Cüdoçularımız 3 medal qazandı » Qaynar xəbərlərin tək ünvanı

» » » Cüdoçularımız 3 medal qazandı

Cüdoçularımız 3 medal qazandı


Daha tez məlumatlanmaq üçün Facebook səhifəmizi bəyən və paylaş Cüdoçularımız 3 medal qazandıMərakeşin Kasablanka şəhərində cüdo üzrə Afrika açıq çempionatına yekun vurulub.

Oxu.Az xəbər verir ki, yarışın sonuncu günü Azərbaycan milli komandası üçün uğurlu olub. Belə ki, cüdoçularımız mötəbər turnirdə 3 medal qazanıblar.

100+ kq çəki dərəcəsində ölkəmizi təmsil edən Uşanqi Kokauri ilk qarşılaşmasında Mərakeş təmsilçisi Mustafa Abdellaouiniye qalib gələrək yarımfinala adlayıb. Yarımfinalda rusiyalı cüdoçu Stepan Sarkisyani məğlub edən təmsilçimiz finala yüksəlib.

Həlledici qarşılaşmada Fransa cüdoçusu Sedrik Medeufu üzərində qələbə qazanan Kokauri qızıl medala sahib olub.

90 kq çəki dərəcəsində mübarizə aparan Məmmədeli Mehdiyev yarımfinala gedən yolda italiyalı Covanni Karollo və polşalı Patrik Çexomski üzərində qələbə qazanıb. Yarımfinalda Slovakiya təmsilçisi Milan Randla qalib gəlib. Lakin finalda Əlcəzair cüdoçusu Abderrəhman Benamadiyə uduzaraq gümüş medal qazanıb.

90 kq çəki dərəcəsində çıxış edən digər təmsilçimiz Ramin Qurbanov ardıcıl olaraq polşalı Piotr Kuçzeranı və ispaniyalı Pedro Qonzales məğlub edib. Yarımfinalda Əlcəzair cüdoçusu Abderrəhman Benamadiyə uduzsa da, bürünc medal uğrunda görüşdə polşalı rəqibi Patrik Çexomskiyə qalib gəlib.

Bununla da, Azərbaycan milli komandası Mərakeşin Kasablanka şəhərində keçirilmiş cüdo üzrə Afrika açıq çempionatında çıxışına 3 medal (1 qızıl, 1 gümüş və 1 bürünc) qazanaraq yekun vurub.

Paylaş:


Müəllif : Baxış :
23232
Tarix:
14-03-2016, 06:01
  






loading...