Prezident Bolqarıstanın xarici işlər nazirini qəbul edib » Qaynar xəbərlərin tək ünvanı

» » Prezident Bolqarıstanın xarici işlər nazirini qəbul edib

Prezident Bolqarıstanın xarici işlər nazirini qəbul edib


Daha tez məlumatlanmaq üçün Facebook səhifəmizi bəyən və paylaş Prezident Bolqarıstanın xarici işlər nazirini qəbul edibPrezident İlham Əliyev Bolqarıstanın xarici işlər naziri Daniel Mitovun başçılıq etdiyi nümayəndə heyətini qəbul edib. Aymobi.com-un AzərTAc-a istinadən məlumatına görə, İlham Əliyev Bolqarıstanın Prezidenti Rosen Plevneliyev və baş nazir Boyko Borisov ilə həm Bolqarıstanda, həm Azərbaycanda keçirdiyi görüşləri xatırlayaraq bu görüşlərin müntəzəm xarakter daşımasının önəmini qeyd edib. İki ölkənin əlaqələrnin uğurla və dostluq ruhunda inkişaf etdiyini vurğulayan dövlət başçısı Bolqarıstanın Azərbaycanın yaxın dostlarından biri olduğunu deyib. Siyasi sahədə münasibətlərin çox yaxşı səviyyədə olduğunu qeyd edən Prezident İlham Əliyev Azərbaycanın Bolqarıstan ilə iqtisadi əməkdaşlığı genişləndirmək niyyətində olduğunu bildirib. Dövlət başçısı Bolqarıstanın "Cənub Qaz Dəhlizi” Məşvərət Şurasında yüksək səviyyədə təmsil olunmasından məmnunluğunu ifadə edərək "Cənub Qaz Dəhlizi” layihəsinin uğurla icra olunduğunu vurğulayıb. Azərbaycan ilə Bolqarıstan arasında münasibətlərin yüksək səviyyədə olduğunu diqqətə çatdıran Prezident İlham Əliyev Azərbaycanın Avropa İttifaqı ilə əməkdaşlıq planlarını dəstəklədiyinə görə Bolqarıstana təşəkkürünü bildirib. Avropa İttifaqı ilə danışıqların uğurla davam etdiriləcəyinə ümidvar olduğunu bildirən dövlət başçısı strateji əhəmiyyət daşıyan əməkdaşlığımızın genişləndirilməsi üçün yaxşı imkanların olduğunu deyib.
 
Ölkələr arasında səmimi, dostluq və qarşılıqlı etimada əsaslanan münasibətlərin önəmini vurğulayan Prezident İlham Əliyev son vaxtlar Bolqarıstan ilə Azərbaycan arasında mədəniyyət sahəsində də fəal əməkdaşlıq aparıldığını qeyd edib.
 
Dövlət başçısı Bolqarıstanın xarici işlər naziri Daniel Mitovun ölkəmizə səfərinin səmərəli keçəcəyinə ümidvar olduğunu bildirib.
 
Bolqarıstanın xarici işlər naziri Daniel Mitov dinamik şəkildə inkişaf edən ikitərəfli münasibətlərin dostluq və strateji tərəfdaşlıq xarakteri daşıdığını deyib və əlaqələrin bu istiqamətdə gücləndirməyin zəruriliyini qeyd edib.
 
Enerji layihələrindən danışan bolqarıstanlı nazir "Cənub Qaz Dəhlizi” layihəsinin ölkəsi üçün strateji əhəmiyyət daşıdığını vurğulayaraq bu layihənin təkcə Azərbaycan ilə Bolqarıstan arasında deyil, eləcə də Azərbaycan-Avropa İttifaqı əməkdaşlığının genişləndirilməsi üçün imkanlar açacağına əminliyini bildirib.
 
Görüşdə kənd təsərrüfatı, turizm, informasiya-kommunikasiya texnologiyaları və digər sahələrdə əməkdaşlığın genişləndirilməsi imkanları ətrafında fikir mübadiləsi aparılıb.

Paylaş:


Müəllif : Baxış :
24832
Tarix:
13-05-2016, 15:32
  






loading...

Oxşar Xəbərlər