İlham Zəkiyev haqqında çəkilən film - MÜKAFAT aldı » Qaynar xəbərlərin tək ünvanı

» » İlham Zəkiyev haqqında çəkilən film - MÜKAFAT aldı

İlham Zəkiyev haqqında çəkilən film - MÜKAFAT aldı


Daha tez məlumatlanmaq üçün Facebook səhifəmizi bəyən və paylaş

İlham Zəkiyev haqqında çəkilən film - MÜKAFAT aldı

BP-nin İlham Zəkiyev haqqında "Döyüşçü” filmi Kann Qızıl Mükafatına layiq görülüb.


Şirkətdən verilən məlumata görə, BP London-2012 Olimpiadasından başlayaraq İ. Zəkiyevə sponsorluq edir. O, BP-nin idmançı səfiridir. Şirkət onun haqqında qısa videoçarx hazırlayıb. "Döyüşçü” adlanan bu çarx Rio-2016 Olimpiadası ərəfəsində BP-nin Beynəlxalq Paralimpiya Komitəsinə dəstək məqsədilə keçirdiyi "Daxildən gələn enerji” kampaniyası üçün hazırlanmış 8 filmdən biridir.

 

Bu vaxtadək "Döyüşçü”yə bütün dünyada 18 milyon insan baxıb və film üç nüfuzlu beynəlxalq mükafata layiq görülüb.

İki mükafat "Cannes Corporate Media & TV Awards 2016” müsabiqəsində qazanılıb - "Kann 2016 Qızıl Mükafat Qalibi” (Marketinq Kommunikasiyası B2C kateqoriyasında) və "Kann mükafatı” (Xeyriyyə, Qeyri-kommersiya, Korporativ Sosial Məsuliyyət kateqoriyasında).


Üçüncü mükafat isə "EVCOM Clarion Awards 2016” müsabiqəsində əldə edilib. Burada "Döyüşçü” filmi Sosial (ekran) filmlər kateqoriyasında yüksək mükafata layiq görülüb. "EVCOM Clarion Awards” mükafatları korporativ sosial məsuliyyət və davamlı inkişaf, o cümlədən ətraf mühit, müxtəliflik, bərabərlik, icma, xeyriyyə təşəbbüsləri, təhsil, etika, sağlamlıq və rifah sahələrindəki fəaliyyətlərin təltif edildiyi aparıcı tədbir və film mükafatlarıdır.


Bu mükafatlar həm BP-nin, həm də İ.Zəkiyevindir.


Paylaş:


Müəllif : Baxış :
6732
Tarix:
26-12-2017, 15:36
  






loading...