Bakıda şagirdlər arasında biabırçı sorğu: Valideynlər nədən narazıdır? » Qaynar xəbərlərin tək ünvanı

» » Bakıda şagirdlər arasında biabırçı sorğu: Valideynlər nədən narazıdır?

Bakıda şagirdlər arasında biabırçı sorğu: Valideynlər nədən narazıdır?


Daha tez məlumatlanmaq üçün Facebook səhifəmizi bəyən və paylaş

Bakıda şagirdlər arasında biabırçı sorğu: Valideynlər nədən narazıdır?

Səhiyyə Nazirliyinin təşkilatçılığı ilə Bakıda 5 məktəbdə şagirdlər arasında keçirilən sorğu bəzi valideynlərin narahatlığına səbəb olub.


Aymobi.com unikal.org-a istinadən xəbər verir ki, valideynlər məktəblərdə keçirilən sorğunun daha çox marketinq funksiyası daşıdığını və bəzi sulların isə orta məktəb şagirdlərinə uyğun olmadığını iddia ediblər.


Həmin sorğudakı sualların bəzilərini təqdim edirik:


- Övladınız busqalter geyinibmi?

- Aybaşı olmusunuzmu?

- Xəstələnəndə ən çox hansı dərmanlardan istifadə edirsiniz? və s...


Anketdə sırf səhiyyə ilə bağlı suallar ünvanlanıb. Təhsillə əlaqədar isə heç bir sual qeyd edilməyib. Sözügedən anketlər şagirdlərə təqdim edilib.

 

Bildirilib ki, valideynlər suallarla tanış olduqdan sonra, gəlib məktəbdə cavablandırmalıdırlar. Bu da bəzi valideynlərin narahatçılığına səbəb olub.

 

Sorğunun keçirildiyi yerlərdən biri də Yasamal rayonunda yerləşən Telman Abbasov adına 225№-li tam orta məktəbdir.


Məktəbin direktoru Sevda Eminova açıqlamasında bildirib ki, sözügedən sorğu Bakı şəhəri üzrə Təhsil İdarəsinin göstərişi və Səhiyyə Nazirliyinin təşkilatçılığı ilə keçirilir.


"Bizim məktəbdə 60 şagird arasında bu sorğu keçirilir. Sorğu 11-12, 15-16 yaşlı şagirdlər arasında baş tutacaq. Sorğudan sonra şagirdlər noyabr ayının 28-i, həftənin 2-ci günü həkimlərin müayinəsindən də keçəcəklər. Məqsəd uşaqların sağlamlığını yoxlamaqdır”.


Sorğuda ünvanlanan bəzi suallara gəldikdə isə Sevda Eminova vurğulayıb ki, bu barədə daha ətraflı Səhiyyə Nazirliyinin müvafiq qurumu və rayon poliklinikası aydınlıq gətirə bilər:

 

"Bəzi sualları özüm də anlaya bilmirəm. Yaxşı olar ki, bu sualları təşkilatçıların özləri açıqlasınlar. Hər halda, bu sorğu məktəbimizə gəlməzdən əvvəl müvafiq qurumların süzgəcindən keçib”.


Həmin layihənin təşkilatçıları və Səhiyyə Nazirliyinin nümayəndələri Nərmin və İnara adlı xanımlar suala belə cavab verib:


"Tədbir, Bakının 5 məktəbində 60 şagird arasında Dövlət Proqramı çərçivəsində Səhiyyə və Təhsil Nazirliyinin birgə təşkilatçılığı ilə, Moskvadan gələn bir qrup professor həkimlər tərəfindən keçirilir. Burada qəbahət bir şey yoxdur. Sorğudan sonra həkimlər şagirdləri müayinə edəcək və bundan sonra nəticələri valideynlərə təqdim edəcəklər. Müayinəni valideynlər istəsə müdaxilə etməmək şərti ilə, kənardan gəlib izləyə bilərlər”.


Onlar anketdəki bəzi sualların valideynlərin narahatlıq yaratmasına da münasibət bildirib:

 

"Sözügedən anket Rusiyadan bizə göndərilib. Bəzi valideynlər rus dilini başa düşmədiyi üçün Azərbaycan dilində də tərcümə etmişik. Suallarda isə qəbahət heç nə yoxdur”.


Məsələ ilə bağlı Bakı şəhəri üzrə Təhsil idarəsinin mətbuat xidmətinin rəhbəri Bəşarət Məmmədov sorğu göndərməyi tövsiyə edib.

 

Bildirib ki, sorğu göndərildikdən sonra məsələ ilə bağlı araşdırma aparılıb, onlara ünvanlanan suallar cavablandırılacaq.

Bakıda şagirdlər arasında biabırçı sorğu: Valideynlər nədən narazıdır?

Bakıda şagirdlər arasında biabırçı sorğu: Valideynlər nədən narazıdır?


Paylaş:


Müəllif : Baxış :
7632
Tarix:
29-11-2017, 10:45
  






loading...

Oxşar Xəbərlər