Azərbaycanda yeni telefon dələduzluğu - VİDEO » Qaynar xəbərlərin tək ünvanı

» » Azərbaycanda yeni telefon dələduzluğu - VİDEO

Azərbaycanda yeni telefon dələduzluğu - VİDEO


Daha tez məlumatlanmaq üçün Facebook səhifəmizi bəyən və paylaş

Azərbaycanda yeni telefon dələduzluğu - VİDEO

 Mağazadan nağd ödənişlə təzə telefon alan Orxan Məmmədlinin telefonu bir müddət sonra bloka salınıb.


Xəzərxəbər xəbər verir ki, ölkəmizdə yeni telefon dələduzluğu halı ortaya çıxıb. 


Hətta nağd aldığınız telefon belə kredit borcuna görə bloka düşə bilər. Belə ki, bəzi dələduzlar kreditlə telefon alıb, onu ucuz qiymətə başqa mağazaya satırlar. Bu isə onu alan ikinci müştəri üçün problem yaradır. Maraqlısı da budur ki, artıq belə faktların sayı xeyli çoxalıb.


Mağazadan nağd ödənişlə təzə telefon alan Orxan Məmmədlinin telefonu bir müddət sonra bloka salınıb.


Telefonu işlədə bilməyən sahibi bununla bağlı telefonu aldığı mağazaya müraciət etdikdə isə məlum olub ki, həmin telefon başqa birisi tərəfindən kreditlə alınıb. Yəqin ki, işlənməmiş halda, ucuz qiymətə başqa bir mağazaya satılıb. İndi isə telefonun əvvəlki sahibinin borcuna görə bağlanıb. Orxan Məmmədli deyir ki, indi mağazadan nə pulunu, nə də əvəzinə başqa problemsiz telefon ala bilir.


Orxan Məmmədli mağazaya gedəndə hətta onu hədələdiklərini də deyir.


Məsələni dəqiqləşdirmək üçün həmin mağazaya üz tutduq. Onlar nəinki faktı təsdiqlədilər, hətta eyni problemlə bir neçə müştərinin üzləşdiyini də etiraf etdilər.


Satıcıların dediyinə görə, telefonun kreditdə olub-olmadığını hər hansısa sistem vasitəsilə təyin etmək mümkün olmadığından sonradan belə hallar çox olur və ən çox ziyan da onlara deyir.


Hüquqşünas Xəyal Bəşirli isə satıcının həmin telefonun kreditdə olduğunu bilib-bilməməsindən asılı olmayaraq, məsuliyyət daşıdığını deyir. Onun sözlərinə görə, burada müştəri aldadılıb və haqlı olaraq telefonun dəyərində pul məbləğini, ya da eyni telefonu mağazadan tələb edə bilər.

 



Paylaş:


Müəllif : Baxış :
39932
Tarix:
4-02-2017, 17:42
  






loading...